பிரபஞ்சம் குறித்த சில கேள்விகளும் அதற்கான பதில்களும் (Question and Answers-LOA)

கடந்த வாரம் எங்கள் ஈமெயில் முகவரியில் நண்பர்கள் பிரபஞ்ச ரகசியம் குறித்து சில வினாக்களை கேட்டிருந்தனர் அந்த வினாக்களுக்கு விடையளிக்க நாங்கள் கடமைபட்டுள்ளோம்.

நான் ஈர்க்க விரும்பும் ஒன்றை குறித்து என் நண்பரிடம் பகிர்ந்து கொள்ளலாமா? (senthil erode) 

ரகசியம் என்ற ஒன்று இருந்தால் அது கடைசி வரை காக்க பட வேண்டிய ஒன்றாக இருத்தல் மிக அவசியம் என நமது முன்னோர்கள் நம்பினர். பிரபஞ்ச தொடர்பானது இன்று உலகம் முழுதும் தெரிந்து விட்ட ஒன்றாகி விட்ட நிலையில் நீங்கள் ஈர்க்க விரும்பும் ஒன்றை அடையும் வரை அந்த ரகசியத்தை யாரிடமும் பகிராமல் இருப்பதே நன்று. உதாரணமாக நீங்கள் ஒரு வீடு வாங்க விரும்பினால் அதை பற்றி பிரபஞ்சத்திடம் மட்டுமே கலந்துரையாட வேண்டும். உங்கள் நண்பரோ அல்லது வேறு தெரிந்த நபருடனோ உங்கள் விருப்பங்கள் தெரிவிக்கபடும் போது நீங்கள் முரண்பாடுகளான கருத்துகளை அவர்களிடமிருந்து பெற நேரிடும் மேலும் அவர்களின் கருத்து உங்கள் ஆழ் மனதில் சங்கடங்களை ஏற்படுத்தி விடும். மனம் தெளிவாக இருந்தால் தான் பிரபஞ்ச ஓடத்தில் பயணிக்க முடியும்.

எனக்கு வேலை வேண்டும் பிரபஞ்சத்திடம் எவ்வாறு கேட்பது? (Sujitha Chennai) 

நீங்கள் எந்த துறையில் பணி புரிய வேண்டும் என்று விரும்புகிறீர்களோ? அதனை உங்கள் கண்களை மூடி கொண்டு, அககாட்சி படைப்பில்  ஈடுபடுங்கள், உங்களுக்கு ஏற்கனவே அந்த வேலை கிடைத்து விட்டது போல் கற்பனை செய்து நன்றி கூறுங்கள். உதாரணமாக நீங்கள் ஒரு அலுவலகத்தில் பணி புரிய போகிறீர்கள் என்றால். "நான் எனக்கு பிடித்த இடத்தில் மகிழ்ச்சியுடன் பணிபுரிந்து வருகிறேன்,மன நிறைவாக சம்பாதித்து கொண்டிருக்கிறேன்" என்று கூறுங்கள்.

நிச்சயம் பிரபஞ்சம் உங்களுக்கு வெற்றிக்கான சாவியை தரும்.

ரொம்ப பண கஷ்டமா இருக்கு எனக்கு பிரபஞ்சம் உதவி செய்யுமா? (R.manavaalan,karur)

நீங்கள் பணம் குறித்து கவலையான மன நிலையில் இருப்பதால் மேலும் மேலும் சங்கடத்தை ஈர்த்து கொண்டிருக்கிறீர்கள். உங்கள் எண்ணத்தின் போக்கை மாற்றி அமைப்பதன் மூலம் பண வரவை அதிகரிக்கலாம். உதாரணமாக உங்களிடம் ஒரு ருபாய் இருந்தாலும் அந்த காசுக்கு நன்றி கூறுங்கள், பணம் குறித்த நன்றி உணர்வு உங்கள் பயணத்தில் நல்ல மாற்றங்கள் கொண்டு வரும். பணத்தை ஈர்க்க மிகவும் சக்தி வாய்ந்த மந்திரம் தினமும் காலை,மாலை இரவு இதை கூறுங்கள். "பணம் என் நண்பன் நான் பணம் சம்பாதிக்க பிரபஞ்சம் எனக்கு உதவி செய்கிறது என் வாழ் நாள் முழுவதும் கொடுக்கபட்டுள்ள பணத்திற்கு நன்றி"